Dil hai chota sa!!

kaash ke is mutthi mein sagar samet loon, chand boondo ko jod sahilo ko mod loon,

wo chota sa bachpan, wo taaza hawayein, wo boondo ka jaise tehekta ladakpan,

girte aasmaan ko jaise aagosh mein loon, us bheege sparsh ko jaise main qaid kar loon,

udta hua un baharon mein jaise, khusbhuon ko jaise main aangan mein bhar doon,

pahado ki un vaadiyon mein jaise, nayi bhor ki wo kiranein sametu,

girte hue un foolon ko jaise, naye aashiyaane mein jeevan main de doon,

saanjho ke us dhalne me jaise, saveron ke anand ka sanchar kar doon,

wo hansta, muskuraata sa bachpan, us bachpan ko apne jeevan mein bhar loon,

Dil hai Chota sa, choti si aasha, masti bhar mann ki bholi si aasha,

chaand taaro ko chhone ki aasha, aasmaano mein udne ki aasha…..

~ by clayovertan on December 25, 2008.